pel

1. s f [BIOL/FISIOL]

   Tegumento resistente e flexible que recobre a superficie do corpo e que continúa, nos orificios naturais, coas mucosas que tapizan os sistemas respiratorio, dixestivo e xénito-urinario. Está constituída por unha capa epitelial ectodérmica, a epiderme, e unha capa mesodérmica, a derme ou corion cutáneo.

2. s f

   1. Pel dun animal separada do corpo, especialmente a non curtida de animais pequenos coma os coellos, as ovellas, as cabras, os réptiles, os porcos e os paxaros, ou de animais grandes que non chegaron á madurez, coma os tenreiros e os poldros, e a curtida de animais pequenos destinada a ser usada en confección, en peletaría, na fabricación de luvas e, como pel fina, en zapataría.

   2. Pel de animais salvaxes ou de cría, curtida pola cara oposta á da pel ou da la, pero que conserva o pelo ou a la naturais do animal, e que está destinada xeralmente á fabricación de roupa de abrigo, de alfombras e de adornos.

   3. Porción de pel que se destina á elaboración dalgunha cousa.

3. s f

   1 pela.

4. s f

   Tea similar á pel.

5. pel de galiña [FISIOL]

   Pel que sofre a erección dos folículos pilosos, que forman pequenas eminencias cónicas por contracción das fibras lisas. Prodúcese espontánea e transitoriamente por unha impresión de frío, de emoción, de estremecemento ou por outras causas.

6. pel vermella [ANTROP/FISIO]

   Nome que os europeos lles deron aos individuos de tribos amerindias que ocupaban os bosques de Canadá, a conca do Mississipi e a península de Florida, polo costume de pintar a cara con cores vermellas.

Frases feitas

• Arriscar/Xogar a pel. Pórse en perigo.

• Estar/Pórse na pel de. Pórse na situación ou no lugar de alguén.

• Ir á pel. Bater a alguén.

• Salvar a pel. Salvar a vida ou saír airoso dunha situación comprometida.

• Verse na pel da burra. Verse nunha situación moi comprometida.

Refráns

• A oveIla e a abeIla polo abril deixan a pelexa.
• Non bai branca sen cbata nin morena sen gracia.
• Raia pescada en xaneiro sabe a carneiro.
• Sábalo despois de maio, quenturas para todo o ano.