periquito

Ave da orde dos psitaciformes, de 18 cm, de cor verde, coa cabeza amarela e coas as partes superiores festonadas transversalmente de amarelo e negro. Presenta unha mancha vertical en cada meixela, tres puntos negros en ambos os dous lados do pescozo e o rabo azul escuro de 10 cm de longo. É gregario e nómade. Apreciado en todo o mundo como ave de gaiola, pódese domesticar e aprende con facilidade, especialmente á hora de imitar sons, sobre todo a voz humana. Importouse por primeira vez no ano 1840 a Reino Unido, e desde entón conseguiuse, selectivamente, unha gran cantidade de cores e tons. Vive en Australia.