permitividade

Constante que expresa a influencia dun medio isótropo sobre as forzas de atracción ou de repulsión entre corpos electrizados. Cómpre distinguir entre permitividade absoluta e relativa. A permitividade absoluta é o cociente entre a indución eléctrica ou desprazamento D e a intensidade do campo eléctrico E, e represéntase por å, é dicir, å = D/E. A permitividade do baleiro vale å0 = 8,859×10-12. A permitividade relativa é a relación entre a absoluta e a do baleiro, é dicir k = å/å0. OBS: Tamén se denomina constante dieléctrica.