¹ pesar

1. 1. v t

      Ter algo ou alguén un peso determinado.

      Ex: O meniño pesou tres quilos e medio cando naceu.

   2. v t e pron

      Determinar o peso de algo ou alguén mediante un instrumento determinado.

      Ex: Pesaron a maleta. Pesouse na báscula.

2. v t

   Considerar ou analizar a importancia de algo.

   Ex: Pesaremos todas as opcións antes de decidirnos por algo.

3. v i

   Ter un corpo un peso.

   Ex: Ten coidado coa maleta que pesa.

4. v i

   Facer algo sentir ou notar o seu peso sobre alguén.

   Ex: Baleirei o bolso porque me pesaba moito.

5. v i

   Exercer algo unha influencia negativa.

   Ex: As poucas vendas pesaron no peche da fábrica.

6. v i

   Ser importante ou influente sobre algo ou alguén.

   Ex: Os informes do xerente pesaron favorablemente na súa contratación.

7. v i

   Ser algo responsabilidade de alguén.

   Ex: Sobre os seus informes pesa a viabilidade ou non do proxecto.

8. v i

   1. Ser algo motivo de pesar ou preocupación.

      Ex: Pesoulle non pasar pola túa casa para despedirse de ti.

   2. Ser algo motivo de preocupación ou de graves prexuízos para alguén nun futuro.

      Ex: Pesa sobre el unha orde de busca e captura.

Frases feitas

• Mal que che pese. Aínda que non che guste.

• Pese a (que) loc conx Introduce unha oración en que se expresa unha dificultade que obstaculiza pero non impide o cumprimento do expresado noutra.

• Pese a loc prep En contra do que alguén desexa ou da súa vontade.