piarda

Peixe da orde dos ateriniformes, de pequeno tamaño, que poden acadar os 20 cm de longo como máximo. Presenta unha cabeza grande e achatada, co maxilar inferior prominente, e nela destacan dous ollos tamén de gran tamaño. Ten dúas aletas dorsais e é de cor verde con manchas negras no dorso, e case transparente pola parte ventral. Vive en bancos densos e numerosos, especialmente nos fondos de area, así como nos esteiros dos ríos e lagoas litorais, en que pode quedar illado e vivir como peixe de auga doce.