pirita

(< lat pyrīte < grπυρίτης ‘da natureza do lume’)

s f [MINERAL]
Sulfuro de ferro, de fórmula química FeS 2 . Cristaliza no sistema cúbico. É de cor amarela semellante á do latón, opaca e con brillo metálico intenso. Ten unha dureza de 6.0-6.5 e unha densidade de 5.0-5.2. Os xacementos máis coñecidos atópanse en Riotinto (Andalucía) e Noranda (Canadá). Emprégase para a obtención de ácido sulfúrico.
[MINERAL]
1. s f
  Nome que reciben outros sulfuros con brillo análogo ao da pirita.
2. pirita arsenical
  arsenopirita.
3. pirita branca
  marcasita.
4. pirita de cobre
  calcopirita.
5. pirita de estaño
  estannita.
6. pirita magnética
  pirrotina.
7. pirita vermella de níquel
  niquelina.

Palabras veciñas