pirogalol

Composto fenólico cristalino incoloro que escurece pola acción da luz. É un composto relativamente ácido e o seu anión captura con gran rapidez osíxeno da atmosfera e orixina compostos oxidados de coloración escura, feito polo que as solucións alcalinas de pirogalol se empregan para eliminar o osíxeno de mesturas gasosas. É tamén empregado como antioxidante, en fotografía, na industria de colorantes e como intermediario de síntese. OBS: Tamén se denomina ácido pirogálico.