pluralismo

Pluralidade de opinións, ideas ou opcións.

Doutrina sociopolítica que preconiza a coexistencia de tendencias diferentes en calquera sociedade ou institución.

Doutrina filosófica, oposta ao monismo, segundo a que o Universo está composto dunha pluralidade de seres, non reducibles a un único principio.

Conxunto de filósofos gregos integrado por Empédocles, Anaxágoras e os atomistas Leucipo e Demócrito, que non aceptaban un único principio entitativo do real, senón diversos elementos ou átomos.