prestación

Acción e efecto de prestar ou de prestarse.

Obriga que dimana da lei ou que, en virtude dun convenio, cumpre unha das partes.

Imposto ou servizo esixible por unha autoridade competente.

Medida administrativa de gravame sobre os bens particulares de carácter forzoso. Pode ser tributaria ou extratributaria.

Servizo persoal obrigatorio esixido pola lei. Foi empregada para construír camiños municipais e obrigaba aos veciños dunha poboación a realizar obras ou servizos de utilidade común. Proporcionábase un traballo persoal duns cincuenta e dous días ao ano, compatibles cos traballos agrícolas, dedicándolle unha xornada semanal.

Servizos ou traballos que os servos e colonos debían ao señor.

Medida ofrecida pola Administración Pública para atender aos cidadáns en situacións de necesidade.

Actividade, servizo ou obra de utlidade pública ou de interese xeral que os obxectores de conciencia realizaban en substitución do servizo militar obrigatorio.