proceso

Conxunto de accións ou etapas sucesivas dun fenómeno natural ou dunha operación artificial.

Serie de fenómenos, estados ou formas, polos que vai pasando un ser e que integran a súa continua e progresiva transformación, ou dos que é causa unha acción. Este concepto, contraposto á idea de substancia tivo, desde o s XVIII, unha ascendencia filosófica moi notable, relacionada coa ascendencia de doutrinas como a da evolución.

Evolución dunha serie de fenómenos ou lesións anatómicas relacionados cunha enfermidade.

Sucesión de fases que se repiten regularmente nun fenómeno ou nun procedemento industrial.

procedemento.

Proceso de adquisición de coñecementos. Este termo usouse especialmente nos enfoques psicopedagóxicos de tendencia cognoscitivista.

Conxunto de estadios e actividades que, na súa constante e progresiva repetición, configuran o feito económico. Este conxunto está integrado por un proceso de produción dos bens (dun ben en concreto ou dunha totalidade de bens producidos) e por un proceso de distribución das rendas que corresponde aos diversos factores que interveñen no proceso de produción. O obxectivo da economía política é determinar a regularidade destes procesos e investigar as leis sociais que rexen o proceso económico.

Conxunto de actuacións xurisdicionais, postas polo estado a disposición dos particulares ou del mesmo, nos diversos sectores de aplicación da lei. Hai procesos civís, penais, administrativos e laborais. O obxecto do proceso é a pretensión que se quere satisfacer: segue unha declaración de vontade, que implica un coñecemento do asunto (proceso de cognición), xa sexa a realización dun acto polo que se pode garantir a cognición previa da pretensión interposta (execución). A inobservancia das normas ou procedemento pode provocar a anulación do proceso e a súa revisión, se se fai recurso con tempo.

Conxunto de escritos en calquera causa civil ou penal.

Conxunto de actuacións xudiciais en que se debaten intereses regulados por normas de dereito privado. Ten por obxecto a aplicación coactiva das normas xurídicas privadas. Dada a gran variedade deles, os procesos civís poden subdividirse de acordo coas especialidades fundamentais de dereito substantivo privado que hai que aplicar no litixio.

Conxunto de actuacións xudiciais encamiñadas a descubrir as causas que concorren na perpetración dun delito e determinar a culpabilidade dos participantes. Comprende as actuacións do xuíz instrutor (sumario), as decretadas polo tribunal superior (rolo) no período do plenario, e as que son motivables pola interposición de recursos (recurso) contra a sentenza.