profecía

Predición dunha cousa futura por inspiración divina. Orixinariamente indicaba a interpretación dun oráculo e a mesma palabra inspirada polo profeta. En Israel indicaba toda predición dun profeta.

Espírito ou inspiración profética.

Escrito en que consta a palabra dun profeta.

Documento presuntamente profético, escrito seguramente en 1590 e atribuído erroneamente ao monxe Malaquías de Armagh (1094-1148). Contén unha lista de epítetos aplicados aos papas desde Celestino II (1143-1144). As súas profecías foron moi veneradas e incluso os últimos papas adoitaron ser descritos nos seus termos, sobre todo Pío XII (pastor angelicus).