programación

Acción e efecto de programar.

Preparación e establecemento dun programa.

Ordenación operativa dun conxunto sistemático de contidos de aprendizaxe, obxectivos educativos e actividades didácticas.

Realización dun programa informático.

Conxunto de técnicas de racionalización da actividade económica que teñen por obxecto a determinación de medidas e periodificación que hai que aplicar en certos medios para a consecución dun obxectivo prefixado. Esta programación pode efectuala unha empresa privada ou un organismo estatal, dependendo do obxectivo e do alcance que vaian ter os seus resultados.

Conxunto de procedementos matemáticos que se empregan para resolver problemas de óptimos condicionados, é dicir, aqueles que consisten en maximizar ou minimizar unha función numérica con diversas variables suxeitas a certas limitacións. Comprende a programación lineal, a cadrática e a dinámica.