protón

Partícula de carga eléctrica positiva, a de menor masa da familia dos hadróns. Dentro desta familia é un barión e, máis exactamente, un nucleón. A súa masa en repouso é de 1,6726485×10-27 kg. Ten unha carga eléctrica igual á do electrón, aínda que de signo contrario. É un fermión (spin 1/2), e o seu momento magnético é 1,5210322, en magnetóns de Bohr. Segundo o modelo dos quarks, un protón está composto de dous quarks u e dun quark d. As teorías de grande unificación prognostican que o protón é inestable.