punción

1. [MED]
   1. s f

      Operación que consiste en introducir un trocar, unha agulla ou un bisturí nunha parte ou nunha cavidade do corpo, para dar saída a un líquido normal ou patolóxico.

   2. punción esternal

      Punción que se practica no esterno para conseguir medula ósea.

   3. punción exploradora

      Punción que ten por obxecto obter un líquido para precisar un diagnóstico.

   4. punción lumbar

      Punción que se realiza na rexión lumbar co fin de extraer líquido cefalorraquídeo (para examinalo ou para diminuír a presión), ou para inxectar substancias no espazo subaracnoidal con finalidade diagnóstica, terapéutica ou anestésica.

   5. punción suboccipital

      Punción que se practica na cisterna posterior, pasando a agulla entre o occipital e o atlas, co fin de extraer líquido cefalorraquídeo.

2. s f [MED]

   Ferida feita cun obxecto punzante.

Formas incorrectas