Ramiro

Antropónimo masculino que provén do xermánico visigótico Ranemirus, Ranmirus e Ranimirus, formas testemuñadas en documentos hispanos desde o s X, data a partir da que comezou a aparecer a forma abreviada Ramirus. Trátase dun composto formado polas formas góticas mereis ‘famoso, célebre’ e polo *ran, do antigo islandés rani ‘disposición do exército en forma de cuña’ ou ben de rân ‘rapina’; no primeiro caso co significado de ‘famoso na preparación do exército, famoso guerreiro’, e no segundo ‘famoso pola rapina (de guerra)’. Presenta o hipocorístico Miro.