ránido -da

Relativo ou pertencente aos ránidos.

Anfibio da familia dos ránidos.

Familia de anfibios anuros que se caracterizan pola falta das falanxes intercalares cartilaxinosas e polo feito de presentar a cintura escapular soldada á parte media e as vértebras sacras coas apófises transversais dilatadas. Saltadores, escavadores, arborícolas, áxiles e elegantes, ocupan os hábitats máis variados, pero en xeral son formas de vida acuática. Difundidos por todo o planeta, habitan maioritariamente en África. O xénero Rana é o máis importante da familia.