rascón

Instrumento formado por unha prancha metálica e provisto dunha empuñadura que se usa para alisar, rascar ou arrincar, principalmente madeira, pelo de gando ou pintura.

Nome común que reciben algunhas aves da familia dos rálidos, dos xéneros Rallus e Crex.

Ave de aproximadamente 28 cm, sen diferenzas entre sexos, con plumaxe parda con algunhas zonas máis escuras polo dorso, e cinsenta polo ventre e fazulas. Vive en zonas de brañas e de ribeiras de ríos e lagoas, onde se alimenta de materia vexetal, insectos e anfibios. Distribúese por case toda Europa, e é moi común en Galicia, onde se pode ver en zonas do litoral.

Ave de ata 27 cm de lonxitude, sen diferenzas entre sexos, con plumaxe acastañada con pencas negras, pero co ventre e peito cinsento e ás sen apencar. Vive en zonas de herba alta ou de cultivos de cereais, e aliméntase de insectos, miñocas e sementes. É rara a súa presenza en Galica, pero pode verse de paso en outono e no verán.