¹ rebezo

Mamífero ruminante da subfamilia dos caprinos duns 60-75 cm de altura na cruz e ten cornos permanentes delgados e lisos e coa punta curva en forma de gancho. Habita en pequenos grupos nas grandes alturas rochosas e pouco accesibles (800-3.000 m) durante o verán e nas fragas máis baixas durante o inverno. É herbívoro e un excelente escalador. Habita nos Pireneos, Picos de Europa, Alpes, Apeninos, nos Abruzos, Cárpatos, Cáucaso e en Asia Menor.

Pel deste animal que se caracteriza por ser delgada, flexible e de cor amarela pálida, e que se emprega na fabricación de luvas e na limpeza de vidros e superficies pulidas.