¹ recto

Última parte do tubo dixestivo dos vertebrados, que remata no ano ou ben na cloaca.

Segmento terminal do intestino groso do home, de traxecto máis ou menos rectilíneo, situado a continuación do sigma ilíaco e que se prolonga ata o orificio do ano. O aumento de presión sobre as paredes rectais ocasionado pola acumulación de materias fecais determina o reflexo da defecación.

Último tramo do tubo dixestivo dalgúns invertebrados, como os moluscos e os insectos.

Músculo que flexiona a cabeza e a columna cervical.