¹ regular

Aplícase ao sacerdote ou conxunto de presbíteros pertencentes ás ordes relixiosas en contraposición a secular.

Aplícase ás observancias que son regra nunha orde relixiosa.

Aplícase a unha figura en que todos os elementos da mesma categoría (lados, ángulos, etc), son iguais entre eles.

Aplícase aos puntos dunha gráfica dunha función en que esta é derivable e a derivada é continua.

Aplícase aos soldados de orixe magrebí que estaban ás ordes de oficiais españois. A imitación francesa, creáronse grupos regulares (1911) organizados en batallóns e compañías. Disolvéronse a partir da independencia de Marrocos en 1956. Algúns dos seus nomes e símbolos perpetuáronse nas unidades españolas das gornicións de Ceuta e Melilla.

Tropas que pertencen ao exército permanente.

Relativo ou pertencente aos regulares.

Equinodermo do grupo dos regulares.

Grupo de equinodermos, da clase dos equinoideos, que comprenden individuos de corpo globoso e sen brazos, recubertos de púas móbiles sobre o exosqueleto calcario. Teñen cinco dobres filas de pedicelos, que se estenden desde a rexión oral á apical en perfecta simetría pentarradiada. Comprende as formas típicas de ourizos e tabaqueiras.