remate

1. s m

   Acción de rematar.

2. s m [DEP]

   Tiro directo a portaría que se fai ao aproveitar o pase dun compañeiro.

3. s m

   1. Parte máis elevada con que se pon fin a algo ou extremo dunha cousa.

   2. [ARQUIT]

      Elemento con que se adorna ou coroa a parte superior dun edificio.

4. s m

   Fin, conclusión ou parte final dunha cousa.

5. s m

   Acción e efecto de asegurar ben a última puntada dun tecido.

6. s m

   Peza que se pon como adorno ou como reforzo no bordo dun tecido.

Frases feitas

• A remates de. Arredor da fin (dunha porción de tempo).

• De remate. Por completo.

• Ao/Ó remate. Ao final.

Refráns

• Ata que acabes non te gabes.
• Labor feito nada pide ao por facer.
• Labor feito nada pide.
• Ninguén correu que non parase.
• O mal é acabarse o ben.
• Obra feita non espera.
• Obra feita venda agarda.
• Quen fixo o cesto, que lle faga o aro/que lle poña o aro.