remuíño

Movemento en espiral de pequena dimensión dunha columna de aire ao redor dun centro de baixas presións. É unha consecuencia do diferente grao de quecemento da superficie terrestre. Contribúen á mestura do aire nas capas baixas da troposfera.

Movemento circular e rápido que se forma nunha masa de auga.

Mecha de cabelos que medra en dirección distinta ás outras e é difícil de alisar ou peitear.

Aglomeración de persoas arredor dun determinado punto.