restrición

Acción e efecto de restrinxir.

Diminución da capacidade pulmonar sen obstrución bronquial, que non afecta á ventilación máxima por minuto. Pode ser extrínseca ou extrapulmonar, ou intrínseca por redución do parénquima pulmonar.

Dadas unha función f dun conxunto A noutro B e un subconxunto A’ de A, función de A’ en B que toma os mesmos valores que f para todo elemento de A’. Denomínase restrición de f ao subconxunto A’.

Acto que consiste en facer mentalmente limitacións a aquilo que se di, crendo que iso autoriza a eludir o cumprimento ou permite non dicir a verdade sen mentir.

Limitacións postas ao funcionamento normal da competencia entre empresas nas economías capitalistas.