revestimento

Acción e efecto de revestir ou revestirse.

Conxunto de materiais como táboas, ladrillos ou pezas de mármore ou de pedra, cos que se cobre unha construción ou elemento dunha obra, para adornalo ou darlle máis solidez. Aplicouse sobre todo na arquitectura.

Superficie exterior da estrutura dunha aerodina, que consiste nunha envoltura de tea, madeira ou de chapa de metais lixeiros. O quentamento do revestimento pola fricción co aire presenta graves problemas a velocidades moi superiores á do son.

Película de metal coa que se cobre unha superficie para protexela contra a acción de determinados axentes, mellorar o aspecto ou permitir un uso determinado.