Revista, La
Revista, La
[PUBLIC]
Xornal publicado en Pontevedra a partir do 10 de agosto de 1849 que cesou o 30 de novembro dese ano (nº11). Subtitulado “Periódico de crítica y literatura”, foi dirixido por Isidoro F. Monge. Incluíu artigos de fondo e poesías e saíu tres veces ao mes. Tivo unha segunda época entre marzo e setembro de 1867, funcionando como Revista de Instrución Pública. Refundado por Cuveiro Piñol e dirixido por Augusto Escarpizo, mantivo o seu carácter literario e científico. En outubro de 1868 fusionouse con La Voz del Pueblo.