Salix

Xénero de árbores caducifolias e dioicas, da familia das salicáceas, de follas simples e alternas, flores unisexuais, bracteadas e cun ou dous nectarios, dispostas en amentos e de froito en cápsula bivalva, con moitas sementes, provistas dunha mecha de pelos, de diseminación anemócora. Medran preto de ríos e torrentes, ou en lugares húmidos, nas rexións frías ou temperadas. En Galicia a especie máis frecuente é o salgueiro negro (S. atrocinerea).