saltar

1. v i

   Elevarse unha persoa ao coller impulso cara a arriba, de xeito que durante un curto período de tempo os pés estean separados da terra.

   Ex: Saltou todo o concerto.

   Sinónimos: brincar.
2. v i

   Tirarse unha persoa ou un animal desde unha altura.

   Ex: Saltou pola ventá.

3. v i

   Saír algunha cousa despedida, especialmente de xeito brusco, de onde estaba unida, fixada ou contida.

   Ex: Saltáronlle dous botóns da camisa.

4. v i

   Escachar ou fender algunha cousa ao estar sometida á calor ou a unha presión.

   Ex: Ao botar a auga quente o vaso saltou. Os fusibles saltaron.

5. v i

   Dicir algunha cousa de maneira repentina ou inoportuna. OBS: Emprégase seguido da preposición con.

   Ex: Saltou con comentarios que non viñan a nada.

6. v i

   Reaccionar de maneira brusca.

   Ex: Apenas lle dis algo, salta.

7. v i

   Abalanzarse bruscamente sobre algo ou alguén.

   Ex: O gato saltou sobre o rato e pillouno.

8. v i

   Saír os xogadores ao terreo de xogo.

   Ex: Co sinal os futbolistas saltaron ao campo.

9. v i

   Erguerse ou incorporarse de súpeto.

   Ex: Oín o espertador e saltei da cama.

10. v i

    Pasar dunha situación, un estado ou un proceso a outro sen fases intermedias.

    Ex: Saltou dun tema a outro sen máis.

11. v t

    Superar un obstáculo ou unha distancia elevándose do chan mediante un impulso ou tirándose de pé desde unha altura.

    Ex: Todos saltamos o muro menos ela.

12. v t

    Omitir ou esquecer algo dunha serie, un proceso ou unha acción.

    Ex: Saltei un nome da lista.

13. v t

    Ignorar o cumprimento de algo, especialmente referido a unha lei, unha norma ou unha orde.

    Ex: Saltou a orde de afastamento.

Frases feitas

• Saltar á vista. Ser evidente.