Samuel

Antropónimo masculino que procede do hebreo Shemû’el, a través do latín eclesiástico Samuel e do hebreo Samuel. As interpretacións deste nome foron diversas: na Biblia (Samuel, I, 20) vén interpretado como ‘pedido a Deus’, algo que parece unha etimoloxía popular, relacionado co verbo shâ’al ‘pedir’; outros lingüístas, baseándose en paralelos asirios, pensan que o nome pode significar ‘descendencia de Deus’, pero o máis probable é que parta do hebreo shem ‘nome’: ‘nome de Deus’, isto é, ‘o que leva o nome de Deus’ ou ‘o seu nome é Deus’.