Ṣ

Depósito arqueolóxico situado a uns 30 km ao SO do Cairo. Era un dos cinco sectores da necrópole memfita. Os seus monumentos van da dinastía I (3100-2898 a C) ao período grecorromano (323 a C-95 d C). Cunha superficie duns 12 km2, contén as mastabas de seis faraóns da dinastía I; ten once pirámides, dúas da dinastía III (a de chanzos de Djoser I e a de Sekhemkhet), e mais a tumba do faraón Shepseskaf da IV, tres da V (as de Userkaf, Djedkare Isesi e Unas, decorada esta por primeira vez cos textos das pirámides), catro da VI (as de Testi, Pepi I, Merenre Antiemsaf e Pepi II), unha da VIII e outra da XIII; cento sesenta mastabas, un cemiterio do Imperio Medio e outro das dinastías XVIII-XX e dúas necrópoles dos animais, unha delas un serapeum.