selección

Acción e efecto de seleccionar.

Elección dos reprodutores que levan determinadas características para que se conserven na descendencia.

Selección que permite sobrevivir a certos organismos adaptados a unhas condicións ambientais cambiantes a causa da produción de mutantes non letais como resultado de cambios de secuencia de bases do xenoma.

Hipótese segundo a que todas as células formadoras de anticorpos son xeneticamente idénticas pero que se presentan en moitos tipos diversos (clons), dos que cada un ten a capacidade de formar un só tipo de anticorpo cunha secuencia de aminoácidos característica.

Mecanismo principal dos cambios evolutivos nos seres vivos, proposto por Ch. Darwin en 1859 na obra On the Origin of Species, segundo o que o feito de que nas poboacións naturais subsistisen os individuos máis eficientes é consecuencia da loita pola vida e da supervivencia do máis apto. Nos organismos prodúcense certas variacións que representan algunha vantaxe para o individuo, que ten máis éxito reprodutivo e aumenta a súa descendencia. Por medio da acumulación sucesiva das variacións nunha mesma dirección, pode chegar a producirse, finalmente, unha nova especie. Co desenvolvemento da xenética observouse que as variacións corresponden a mutacións e que a selección natural actúa como unha criba de mutantes, que se seleccionan pola súa eficacia biolóxica. O valor de adaptación dun xenotipo depende do medio en que vive o seu portador, e entre todos os mutantes producidos ao azar, o medio selecciona aos que, casualmente, están mellor adaptados a ese ambiente concreto. Cuantitativamente, o proceso de evolución dos seres vivos sobre a terra pode explicarse por medio da mutación e da selección natural, xunto coa migración ou fluxo xenético entre as poboacións e a deriva xenética.

Conxunto de varias persoas ou cousas seleccionadas.

Equipo formado polos mellores xogadores de varios equipos.