Semente

Boletín publicado en Xenebra a partir de 1982. Subtitulado “Boletín da Sociedade A Nosa Galiza de Xenebra”, funcionou como órgano de expresión desta sociedade de emigrantes galegos en Suíza. Coordinada por Xosé Sánchez e Xesús Baamonde, incluíu informacións da institución e da Federación de Sociedades Galegas nese país e contidos con traballos sobre literatura e artigos da actualidade en Galicia.