sentar

1. v t

   Poñer a alguén coas nádegas apoiadas nun sitio e as pernas flexionadas de maneira que o seu corpo descanse sobre a parte inferior do tronco.

   Ex: Senta o neno que lle vou poñer os zapatos.

2. v t

   Facer que algo quede ben colocado sobre outra cousa nunha posición estable e firme.

   Ex: Hai que sentar mellor aquelas columnas.

   Sinónimos: asentar.
3. v t

   Fixar ou establecer unha idea ou un concepto.

   Ex: Hai que sentar as bases do partido.

4. v i

   Estar alguén apoiado coas nádegas nun sitio e as pernas flexionadas de maneira que o seu corpo descanse sobre a parte inferior do tronco.

   Ex: Sentou e comezou a ler o libro.

5. v i

   Causar algo unha sensación determinada no estado de ánimo ou na saúde de alguén.

   Ex: Eu non quero pastel que me senta mal.

6. v i

   Resultar algo máis ou menos adecuado ou apropiado a algo ou alguén.

   Ex: Esa cor non lle senta nada ben.

7. v pron

   Poñerse alguén coas nádegas apoiadas nun sitio de maneira que quede descansando sobre elas.

   Ex: Sentouse porque estaba cansa.

Frases feitas

• Sentar a cabeza. Facerse formal unha persoa que non o era.

Refráns

• Ben criado ou mal criado, de nove meses o neno sentado.
• Dáme onde me sente, que eu farei onde me deite.
• De neno ou de vello non te sentes no penedo.
• Nin de moza nin de vella has de sentarte na pedra.
• Non lle digas ao vello: ¡Séntate!, nin o mozo: ¡Érguete!
• O que ao sentarse di ¡ai! e ao erguerse di ¡opa!, non o quero á miña porta.
• O que primeiro chega primeiro se senta.
• O que tarde chegou, de pe quedou e non se sentou.