siamés -sa

(< topónimo Siam)

1. adx
  Relativo ou pertencente ao antigo Siam, aos seus habitantes ou á súa lingua.
2. s
  Natural ou habitante do antigo Siam.
3. s m [LING]
  tai.
gato siamés [ZOOL]
Gato de orixe asiática, de talle mediano, co corpo alongado e esvelto, a cola rematada nunha punta estreita e coa cabeza triangular e os ollos azuis. O pelo é curto e de cor crema ou gris con marcas máis escuras na zona da cara, orellas e patas.
irmáns siameses [PAT]
Irmáns xemelgos que nacen unidos por algunha parte do seu corpo. Aplicóuselle por primeira vez a dous xemelgos de Siam unidos polo tórax, Eng e Chang, que viviron sesenta e tres anos (1811-1874) e tiveron vinte e dous fillos.

Palabras veciñas