Southampton

Distrito unitario de Inglaterra, Reino Unido, situado no canal da Mancha (50 km²; 217.445 h [2001]). Atópase no interior dunha profunda rada, entre o esteiro do Itchen ao L e o do Test ao O. O seu porto é o terceiro de Inglaterra polo tráfico de mercadorías e posúe un dos diques secos máis grandes do mundo. Do seu patrimonio cultural destaca o King John’s Palace (s XII) e a King Edward VI Grammar School (1550).