soviet

Cada un dos consellos obreiros creados durante a Revolución de 1905, contra o réxime zarista ruso. Renaceron coa Revolución de Outubro de 1917 e convertéronse en auténticos órganos de poder, controlados polos bolxeviques baixo a dirección de L. Trockij. Constituíronse como asembleas políticas lexislativas e, organizadas a escala local, dotáronse dun comité executivo central (Soviet Supremo) que os coordinaba. Elixidas para un período de cinco anos por sufraxio universal, as candidaturas eran únicas e designadas polo Partido Comunista Ruso.