Silvino/Silvina

Antropónimo que procede do latín Silvinus, xentilicio de Silvio e este derivado de silva ‘selva’, co significado de ‘arisca coma unha silva’. Debeu ser na súa orixe un nome degradante que por humildade poñían algúns cristiáns devotos. Para os romanos aludía a Rea Silvia, filla de Numitor, vestal á forza e nai de Rómulo e Remo, polo que se refería á máis elevada nobreza. Con este nome destacan san Silvino, bispo, e santa Silvina, mártir. A súa festividade celébrase o 17 de febreiro (Silvino) e o 18 de febreiro (Silvina).