Soportal

Revista publicada en Ourense a partir de maio de 1979. Só se publicou un número. Subtitulada “Cuadernos de poesía, arte y pensamiento”, estivo promovida por un grupo de novos escritores ourensáns, o grupo NOXS. Dirixida por Julia Rodríguez Blanco, editouse nos obradoiros de La Popular. Incluíu traballos literarios e ensaios de temática cultural, ademais de ilustracións de destacados artistas como Quessada.