talón

(< lat talōne)

s m [ANAT]
Parte posterior do pé formada polo óso calcáneo.
s m
Parte do calzado ou do calcetín que cobre o talón do pé.
s m
Documento de crédito que conta cun comprobante.
Sinónimos: cheque.
s m
1. Parte inferior e posterior de certos obxectos.
2. [MÚS]
  Parte extrema do arco dos instrumentos de corda, oposta á punta, que se agarra coa man do executante.
3. [TECNOL]
  Extremo oposto á punta, onde está o ollo, nunha agulla de máquina de coser.
s m [ARQUEOL]
Base dunha lasca.
s m [CONSTR]
Moldura composta por dous arcos de círculo, un cóncavo e outro convexo.
talón de Aquiles
Punto vulnerable ou feble dunha persoa.

Palabras veciñas