¹ tapa

Peza móbil que cobre ou pecha pola parte superior calquera recipiente ou caixa e que pode ser independente ou estar fixada polo bordo.

Cuberta dunha encadernación que adoita ser de material duro e que constitúe a primeira e a última folla.

Cada unha das pezas de sola que forman o tacón dun zapato ou de calquera outro calzado.

Peza de tea aplicada nun dos lados dunha abertura de certas pezas de vestir para que monte sobre o outro lado e peche a abertura.

Pequena porción dun alimento que se serve en tabernas, bares e establecementos semellantes para acompañar unha bebida.

Carne dos animais bovinos correspondente á parte posterior da metade superior da coxa.

Cuberta córnea que envolve a pouta dos mamíferos naqueles que a teñen.

Peixe teleósteo, de ata 20 cm de lonxitude, co corpo plano, en que as aletas dorsal e anal empalman claramente coa caudal. É de cor castaña con manchas escuras e unha banda escura que parte dos ollos cara aos laterais. Vive nos fondos mariños.

pálpebra.

Parte superior do cranio.