temón

Peza plana de madeira ou de metal, articulada nun eixe vertical no codaste dunha embarcación, que se pode facer xirar a babor ou a estribor de maneira que, a causa da resistencia que esta peza ofrece á auga, fai xirar a embarcación.

Cada unha das superficies móbiles, dispostas xeralmente dunha maneira horizontal na parte posterior dun submarino, que permiten corrixir os erros de estabilización.

Cada unha das superficies móbiles ou planos articulados nun eixe vertical á deriva (temón de dirección ou temón de cola) ou nun eixe horizontal no estabilizador (temón de profundidade ou temón de elevación), que permiten dirixir un avión.

Peza longa e plana que, pola acción do vento, orienta as pas dun aeromotor.