² termo

1. s m

   Momento final en que remata algo.

2. s m

   Fin dun período de tempo determinado para a realización dalgunha cousa.

3. s m

   Fin dun espazo que se quere percorrer.

4. 1. s m [DER/ADM]

      Cada unha dos lindes que sinalan o límite dunha extensión de terreo.

   2. s m [DER]

      Proposicións ou limitacións establecidas nun contrato ou noutro documento.

   3. termo municipal / [DER/ADM]

      Territorio que forma a xurisdición dun concello.

5. s m [LING]

   1. Cada un dos dous membros que delimitan unha proposición: o suxeito e o predicado.

   2. Unidade léxica usada con significado unívoco nunha ciencia ou nunha disciplina determinada.

      Confrontacións: vocábulo.
6. [MAT]
   1. s m

      Cada un dos elementos que aparecen nunha expresión matemática, como unha fracción, igualdade ou sucesión.

   2. s m

      Numerador ou denominador dunha fracción.

   3. termo medio

      Cantidade igual ou máis próxima á media aritmética dun conxunto de diversas cantidades.

7. s m [FILOS]

   Cada un dos tres membros que, repetidos, integran o siloxismo: termo maior ou primeiro (incluído nunha das dúas premisas), termo menor ou derradeiro (incluído como primeiro termo da conclusión) e termo medio (repetido nas dúas premisas e ausente na conclusión).

8. s m

   Cada un dos graos de situación de persoas ou cousas en relación á súa xerarquía ou poder de exhibición.

9. s m [PINT]

   Cada un dos graos de distancia dos obxectos representados en pintura ou dos que se ven na realidade dunha paisaxe ou dun lugar calquera.

10. s m

    Condicións ou circunstancias que limitan a alguén.

Frases feitas

• Levar a termo (algo). Finalizar algo.

• Poñer termo (a unha cousa). Darlle fin a algo.

Formas incorrectas