tesouro

1. s m

   1. Conxunto de moedas, xoias ou outros obxectos preciosos gardados ou agochados con gran coidado nalgún sitio.

   2. [DER]

      Depósito integrado por obxectos preciosos de calquera clase, situado nun lugar oculto, ignorado e do que non consta o seu propietario. O dereito romano considerouno res nullius (cousa de ninguén) e, polo tanto, susceptible de ocupación.

   3. [RELIX]

      Conxunto de vasos sagrados, obxectos de culto ou relicarios dun templo, unha igrexa ou un santuario.

2. s m

   Persoa ou cousa considerada dun gran valor material ou sentimental.

3. s m [LING]

   Dicionario, catálogo ou antoloxía dunha lingua que se caracteriza pola súa exhaustividade e o seu gran valor literario. OBS: Tamén se denomina thesaurus.

4. s m [HIST]

   Lugar onde eran depositados e conservados os obxectos de valor. Na antiga Grecia era unha cela dun templo destinada a gardar os exvotos e os obxectos de culto.

5. tesouro público [ECON]

   1. Conxunto de recursos líquidos financeiros dos que dispón un estado.

   2. Departamento da administración pública dun estado que o representa nas súas relacións financeiras cos cidadáns, co Banco Central e con outros países. Tamén ten funcións de control e administración con relación á caixa do estado, á débeda pública e outros aspectos das finanzas públicas. OBS: Adoita empregarse en maiúscula.

   3. Edificio do departamento do Tesouro Público.

Refráns

• Corre o ouro para o tesouro.
• Non falta tesouro de viño nin de ouro.
• O maior tesouro sempre vai ao ouro.
• Quen ten un tesouro non pensa máis que en ouro.
• Sempre o tesouro chama polo ouro.