testemuña

1. s f

   Persoa que presenciou ou asistiu a un acontecemento ou feito, polo que pode demostrar a súa veracidade contarllo a outros.

2. [DER]
   1. s f

      Persoa que ten coñecemento dun feito de transcendencia xurídica, polo feito de ter sido comprobado cos seus sentidos e do que dá fe. A súa participación no xuízo pode ser voluntaria, como maior garantía da celebración e do contido do mesmo, ou obrigatoria, cando a persoa é citada polo xuíz por coñecer feitos e circunstancias referentes á materia do xuízo, especialmente nos procesos penais. Xeralmente, as testemuñas teñen que ser maiores de 14 anos e non deben ter intereses a favor ou en contra das partes litigantes.

   2. testemuña de cargo

      Persoa que declara en contra do procesado.

   3. testemuña de descargo

      Persoa que declara en prol do acusado.

   4. testemuña falsa

      Persoa que non di a verdade.

   5. testemuña ocular

      Persoa que presenza un feito sobre o que presta declaración.

3. s f

   Persoa que é requirida na celebración de certos actos para verificar ou dar fe de algo.

4. s f

   Pedra que se enterra nos lados dun fito para sinalar a dirección dun terreo amolloado.

5. testemuña de Xehová [RELIX]

   Membro dunha seita fundada en 1874 en EE UU por C. Taze Russell, denominada en 1881 Zion’s Watch Tower Society. O seu consello dirixente é o Watch Tower Bible and Tract Society. Russell dirixiuna ata a súa morte en 1916, e posteriormente dirixida por Joseph Franklin Rutheford, ata 1942, e por Nathan Homer Knorr. Ten conexa desde 1914 a organización denominada International Bible Students Society. Os seus preceptos consisten nunha mestura sincrética de cristianismo, xudaísmo, unitarismo, sinerxismo e elementos cabalísticos. Cren que son os derradeiros representantes dunha longa listaxe de testemuñas que vai desde Abel ata Xesús Cristo. Cara a 1880 profetizaron profundas transformacións mundiais e dividíronse en 1914. Néganse ás transfusións de sangue e non teñen sacerdotes, pero si predicadores ambulantes ou profetas que van de vila en vila e de casa en casa. A súa propaganda faise a través de revistas e folletos, especialmente mediante a revista internacional Wach Tower (Atalaya). Os seus locais de reunión denomínanse salóns do reino.

Refráns

• Apurar moito ao testigo, máis é cousa de inimigo que de amigo.
• Dous testigos falsos matan un home.
• Dous testigos matan un home.
• Entre dous amigos abondan dez testigos.
• Home sen cabeza non vale para testemuña.
• Máis vale un testigo de vista que un cento de oídos.