toque

1. s m

   Acción e efecto de tocar.

2. s m [ARTE]

   Pincelada lixeira.

3. 1. s m [MÚS]

      Acción de tocar determinados instrumentos como as campás, os tambores ou as trompetas como sinal dalgunha actividade.

   2. toque de atención [BÉL]

      Toque de corneta con que se avisa para que a xente se retire antes de impoñer a orde pola forza.

   3. toque de oración [RELIX]

      Repenique de campás que se fai ao solpor ou ao mediodía, que invita os fieis a saudar a Virxe (toque do ángelus) ou a pregar polos defuntos (toque de ánimas).

   4. toque de oración [BÉL]

      Toque ao solpor para arriar a bandeira e facer un silencio polos soldados caídos

   5. toque de mortos/de morto

      Badaladas que anuncian a morte ou funeral de alguén.

4. s m [CONSTR]

   Cada unha das padas de cal ou xeso coas que os albaneis suxeitan as regras e as miras ou con que definen unha aliñación ou un plano.

5. s m [MED]

   Aplicación lixeira dunha substancia medicamentosa nun punto determinado.

6. s m [IND]

   Ensaio que se fai coa pedra de toque.

7. s m

   Característica ou trazo particular que ten algo ou alguén.

Frases feitas

• Toque de atención. Advertencia que se fai a alguén para desvialo dunha conduta inconveniente.