torácico -ca

Relativo ou pertencente aos torácicos.

Crustáceo da orde dos torácicos.

Orde dos crustáceos cirrípedes que está formada por especies fixas, ben mediante un pedúnculo carnoso, como nos percebes, ben mediante un disco amplo e aplanado. A coiraza recobre todo o corpo, menos a rexión das anténulas, e está integrada por seis placas calcarias ou máis, aínda que hai casos nos que faltan. O primeiro segmento torácico está unido á cabeza, carece de antenas e as anténulas son moi reducidas e o tronco ten seis parellas de apéndices. Son hermafroditas, con fecundación cruzada e interna, ou ben autofecundación.