totalidade

Calidade de total.

Conxunto dos elementos que constitúen un todo.

Categoría da clase de cantidade que expresa a unidade da pluralidade, no cadro das doce categorías do pensamento de I. Kant.

Principio segundo o que todo aquilo que formou parte dun todo mental adoita facer aparecer este todo. É fundamentalmente un fenómeno mental que consiste en que, ao darse nun individuo unha repetición dun elemento da súa vida psicolóxica pasada, tende a reproducirse dunha maneira integral todo o conxunto do estado de consciencia do que formaba parte.

Principio empregado principalmente polos representantes da escola da psicoloxía da forma que considera que o todo presenta propiedades distintas das dos seus compoñentes.