Trafalgar, Batalla de

Loita naval entre a frota británica e unha coalición francoespañola, que tivo lugar o 21 de outubro de 1805 preto do cabo de Trafalgar (Cádiz) durante a terceira coalición contra Francia. Dirixía a frota inglesa o almirante Nelson, e a francoespañola o almirante francés Pierre Charles de Villeneuve e o español Federico Carlos Gravina. A vitoria dos ingleses foi total, o que lle deu a Inglaterra a preponderancia marítima europea ata a Segunda Guerra Mundial.