tragacanto

Planta arbustiva, da familia das papilionáceas, con follas pinnaticompostas, flores axilares e froitos en legume. Atópase en Armenia e en Kurdistán.

Goma que se extrae do tronco do tragacanto e doutras especies conxéneres que se emprega na industria farmacéutica (para facer pastillas e como emulsionante), na industria alimentaria (como emulsionante e como espesante), na industria téxtil (para tinguiduras e cores de estampación), nos curtidos (para o acabado do coiro) e como adhesivo.