tremedeira
(< tremer)
-
s
f
tremedal.
-
s
f
[PLANTA]
Planta herbácea anual, de ata 60 cm de altura, con talos ergueitos ou ascendentes, follas planas e moi estreitas con lígula membranosa, pubescente e lanceolada; Inflorescencia en panículas laxas e flores con glumas ovais naviculares. Florece entre febreiro e xullo en lugares secos e pedregosos, sobre todo en zonas do litoral.
-
[ANIMAL/ICT]
-
s
f
Peixe mariño cartilaxinoso, da familia dos torpedínidos, co corpo comprimido dorsiventralmente.
-
tremedeira cinco ollos [port: tremelga de olhos; cast: tremielga de ollos; ingl: eyed electrid ray] [Torpedo torpedo, Fam dos torpedínidos]
Peixe mariño, de ata 60 cm de lonxitude co corpo fláccido, case circular, e cola forte, pel lisa e sen escamas. Ten órganos eléctricos a ambos os dous lados do disco coa capacidade de producir pequenas descargas eléctricas que lle permite capturar as súas presas e tamén defenderse. Aliméntase de crustáceos, moluscos e pequenos peixes. Habita nos fondos costeiros arenosos, limosos de entre 5 e 30 m de profundidade.
-
tremedeira xaspeada [cast: tembladera jaspeada] [Torpedo marmorata, Fam dos torpedínidos]
Peixe mariño selacio, de ata 60 cm de lonxitude, co corpo aplanado, case circular e cola forte. É de cor marrón máis ou menos xaspeado. É carnívoro e ten actividade fundamentalmente nocturna. Ten a propiedade de producir pequenas descargas eléctricas, producidas por órganos eléctricos situados na parte inferior do corpo, o que lle permite capturar as súas presas e tamén defenderse. Aliméntase de crustáceos, moluscos e pequenos peixes. Habita nos fondos costeiros areosos e limosos a profundidades de entre os 5 e 30 m. Vive no Atlántico e nas costas africanas e europeas.
-
s
f