tricládido -da

Relativo ou pertencente aos tricládidos.

Platihelminto da orde dos tricládidos.

Orde de platihelmintos, da clase dos turbelarios, que se caracteriza por ter a boca situada ventralmente preto da metade do corpo, dispor de dous ocelos ou máis e estar provistos de órganos táctiles ou quimiorreceptores. A orde ten especies mariñas, que habitan en mares tropicais ou subtropicais, de auga doce de zonas temperadas, e terrícolas, que habitan en solos húmidos, especialmente nas zonas tropicais.